Agora tərəfindən şagirdlərə verilən akademik hazırlıq dəstəyi şagirdlərin dərs qiymətlərinin yüksəldilməsi və qəbul imtahanlarına hazırlanmalarına dəstək xidmətidir. Agora bu məqsədlə ölkəmizin təcrübəli müəllimləri ilə əməkdaşlıq edir. Eyni zamanda müxtəlif istiqamətlər üzrə xarici müəllimləri də individiual hazırlıq prosesinə cəlb edir.

Şagirdin təhsilinə əlavə dəstək kimi özəl dərslər alması, testlərə hazırlıq, xarici dil kurslarında iştirakı, olimpiadalara və beynəlxalq imtahanlara hazırlıq kimi ehtiyacları təcrübəli mütəxəssislərimiz tərəfindən müəyyənləşdirilir və komandamız tərəfindən nəzarətdə saxlanılır.

Təhsil müəssisələrinə qəbul prosesində tələbənin dərs qiymətləri və imtahan nəticələrinə xüsusi diqqət yetirilir. Şagirdlərin transkriptləri nə qədər güclü olarsa, bir sonrakı təhsil mərhələsinə keçid və uğur qazanmaq da o qədər asan olur. Agoranın əməkdaşlıq etdiyi müəllimlər bu istiqamətdə şagirdləri dəstəkləyir və onlar üçün özəl hazırlıq proqramı tərtib edir. Şagirdin maraq dairəsi, bacarıqları və gələcək universitet hədəfləri də nəzərə alınaraq hansı imtahanlara və dərslərə fokuslanmalı olduğunu birlikdə müəyyənləşdirir və ən uyğun müəllimi seçirik. Agoranın öhdəliyi bununla kifayətlənmir, il boyunca şagirdin hazırlıq prosesini nəzarətdə saxlayır, müəllim və valideynlər ilə birlikdə mövcud durumu təhlil edərək növbəti addımları planlaşdırır. Agora eyni zamanda A Level, AP və IB kimi beynəlxalq tədris proqramlarına hakim olan mütəxəssislərlə əməkdaşlıq edir.